Rizoni me mish viçi në furrë – e shijshme dhe praktike

Kjo është një nga ato receta që bëhet shumë lehtë, por del super e shijshme 🤤 Orzo me mish viçi i gatuar në furrë, me shumë lëng dhe shije, është perfekt për drekë apo darkë. Kombinimi me sallatë kastraveci me kos e bën akoma më të freskët dhe të balancuar.

Nëse doni ta shoqëroni si në foto, recetën për sallatën e kastravecit mund ta gjeni këtu 👉 🥒 Sallatë krem me kastravec dhe kos

Përbërësit:

600 g mish viçi (i prerë në kube)
200 g orzo (rizoni)
1 qepë e madhe, e grirë imët
2 karrota, të prera në kube të vogla
2 thelpinj hudhre, të grirë
5 lugë gjelle vaj ulliri
1 lugë gjelle pure domatesh (koncentrat)
1 kanaçe domate të prera (400 g)
Kripë dhe piper i zi
1 lugë çaji trumzë e thatë
1 lugë çaji rigon i thatë
2 gjethe dafine
Rreth 700–800 ml lëng perimesh (shtoni sipas nevojës)

Përgatitja:

Në një tigan të thellë, ngroh 2 lugë gjelle vaj ulliri dhe skuq mishin e viçit derisa të marrë një ngjyrë të bukur kafe.

Kur mishi të jetë skuqur, shto qepën e grirë dhe kaurdis derisa të zbutet. Përzieje herë pas here.

Pastaj shto hudhrën e grirë dhe lëre të gatuhet pak bashkë me mishin dhe qepën.

Shto koncentratin e domates (pure) dhe përzieje mirë. Rregulloje shijen me kripë dhe piper të zi. Shto rigonin, trumzën dhe domatet e copëtuara. Përzieje mirë.

Pastaj shto rreth 300 ml lëng perimesh, gjethet e dafinës dhe karotat e prera në kubikë të vegjël.

Lëre të vlojë, pastaj vendos kapakun dhe ziej në zjarr të ulët për rreth 2 orë. Përzieje herë pas here. Nëse duhet, shto pak më shumë lëng.

Në një tigan tjetër, ngroh 3 lugë gjelle vaj ulliri. Shto orzon dhe skuqe për rreth 3 minuta.

Pastaj shtoje orzon në salcën me mish. Shto edhe rreth 300 ml lëng perimesh dhe lëre të ziejë për 15 minuta me kapak. Nëse duhet, shto pak më shumë lëng.