Pesto shtëpie me borzilok dhe parmixhan
Pesto është një salcë klasike italiane me borzilok të freskët, parmixhan dhe vaj ulliri. Përgatitet në pak minuta dhe i jep shije të mrekullueshme pastave, sallatave, mishit dhe sanduiçeve.
Përbërësit
- 50 g borzilok i freskët
- 2 thelpinj hudhër
- 30–40 g fara pishe
- 200 ml vaj ulliri
- 30–40 g parmixhan i grirë
- Kripë sipas shijes
Përgatitja
Vendos borzilokun, hudhrën, farat e pishës, parmixhanin dhe vajin e ullirit në blender ose food processor. Bluaji derisa të përftosh një pesto të njëtrajtshme dhe kremoze. Në fund rregulloje shijen me kripë sipas dëshirës.
Këshilla
- Për aromë më të pasur, farat e pishës mund t'i pjekësh lehtë në tigan para përdorimit.
- Ruaje peston në një enë të mbyllur mirë në frigorifer deri në 4–5 ditë.
- Shto një shtresë të hollë vaj ulliri sipër për të ruajtur ngjyrën e gjelbër më gjatë.
- Pesto është ideale për pasta, pulë, peshk, sallata dhe sanduiçe.