Pandispanjë e butë – receta bazë (20, 22 dhe 24 cm)

Pandispanjë e butë e pjekur në formë 22 cm

Ky pandispanjë del i lehtë dhe i butë çdo herë.

Është perfekt si bazë për torta me krem, fruta ose mousse.

Receta është e thjeshtë dhe mund ta përdorësh për forma 20, 22 dhe 24 cm.

Del i ajrosur dhe i qëndrueshëm për prerje.

Mund ta përdorësh edhe si bazë për ëmbëlsira me krem pastiçerie ose për Tortë Tiramisu me pandispanjë – e butë, kremoze dhe perfekte.


Përbërësit (forma 22 cm – receta bazë)

  • 5 vezë (në temperaturë dhome)
  • 140 g sheqer
  • 130 g miell
  • 1 lugë çaji pluhur pjekës
  • ½ lugë çaji kripë
  • 1 lugë çaji sheqer vanilje


Përshtatje për forma të tjera


Formë 20 cm:

  • 4 vezë
  • 110 g sheqer
  • 100 g miell
  • 1 lugë çaji pluhur pjekës
  • pak kripë
  • 1 lugë çaji sheqer vanilje


Formë 24 cm:

  • 6 vezë
  • 170 g sheqer
  • 155 g miell
  • 2 lugë çaji pluhur pjekës
  • ½ lugë çaji kripë
  • 2 lugë çaji sheqer vanilje


Përgatitja


1. Ngrohe furrën

Ngrohe furrën në 160°C.


Përgatit një formë (22 cm) dhe vendos letër pjekjeje në fund.


2. Rrih vezët dhe sheqerin

Rrihi vezët me sheqerin për 8–10 minuta, derisa masa të bëhet e hapur, e trashë dhe e fryrë.

Kur ta ngrish mikserin, duhet të lërë gjurmë mbi masë.

Vezë dhe sheqer duke u rrahur me mikser për pandispanjë


3. Përziej përbërësit e thatë

Sitë miellin bashkë me pluhurin për pjekje, kripën dhe vaniljen.

Shtoje te masa e vezëve dhe përzieje lehtë me spatul, nga poshtë lart.

Mos e përziej shumë – vetëm sa të bashkohen përbërësit.

Masa duhet të mbetet e butë dhe me ajër.

Përzierja e miellit me masën e vezëve për pandispanjë


4. Hidhe në formë

Hidhe masën në formën e përgatitur.

Rrafshoje pak sipër me spatul.

Përplase lehtë formën në tavolinë 1–2 herë që të dalin flluskat e mëdha.

Masa e pandispanjës e hedhur në formë për pjekje


5. Pjekja

Piqe në 160°C (me ventilim), në mes të furrës për 35–40 minuta.

Mos e hap furrën 25 minutat e para.

Është gati kur sipër merr ngjyrë të artë dhe kur një shkop del i thatë.


6. Ftohja

Lëre në formë për 10 minuta.

Kalo një thikë rreth formes dhe nxirre nga forma.

Lëre të ftohet plotësisht para se ta presësh.

Pandispanjë e butë e pjekur në formë


Nëse po përgatit një tortë me këtë pandispanjë, shikoni edhe recetën për Krem pastiçerie (krem vanilje i butë) ose Tortë Tiramisu me pandispanjë – e butë, kremoze dhe perfekte.