Tortë Tiramisu me Pandispanjë – e butë, kremoze dhe perfekte
Kjo tortë tiramisu me pandispanjë është një version pak më ndryshe nga tiramisu klasik, por po aq e shijshme. Në këtë recetë përdorim pandispanjë të butë (recetën e gjen këtu),👉 Pandispanjë e butë – receta bazë (20, 22 dhe 24 cm) e cila laget me kafe dhe kombinohet perfekt me kremin e butë me mascarpone. Rezultati është një tortë kremoze, e lehtë dhe shumë elegante – perfekte për çdo rast.
Përbërësit
- 1 pandispanjë (22 cm), e ndarë në 3 shtresa
Mund të përdorni edhe pandispanjë shtëpie – recetën e gjeni këtu 👉Pandispanjë e butë – receta bazë (20, 22 dhe 24 cm)
Përzierja e kafesë
- 2 dl kafe e fortë
Kremi
- 500 g krem djathi (Philadelphia)
- 150 g sheqer
- 3 të verdha veze
- 300 ml ajkë për rrahje (krem pana)
- 50 g sheqer pluhur
- 2 lugë çaji sheqer vanilje
1. Shtoni krem djathin (Philadelphia), sheqerin dhe të verdhat e vezëve në një tas të madh.
2. Rrihini mirë derisa të formohet një krem i butë dhe homogjen.
3. Në një tas tjetër, rrihni ajkën për rrahje (krem pana) me sheqerin pluhur dhe sheqerin e vaniljes derisa të bëhet e qëndrueshme.
4. Shtoni ajkën e rrahur tek përzierja me krem djathi dhe përziejeni me kujdes derisa të kombinohen mirë.
5. Vendosni shtresën e parë të pandispanjës në formë.
Lyejeni mirë me kafe të fortë derisa të njomet dhe të bëhet e butë.
6. Vendosni një shtresë kremi mbi pandispanjë dhe përhapeni në mënyrë të njëtrajtshme.
7. Vendosni shtresën e dytë të pandispanjës sipër.
Lyejeni përsëri me kafe dhe shtoni një shtresë tjetër kremi, duke e përhapur njëtrajtshëm.
8. Vendosni shtresën e fundit të pandispanjës sipër.
Lyejeni lehtë edhe këtë me kafe.
9. Përhapni pjesën e mbetur të kremit në mënyrë të njëtrajtshme mbi sipërfaqen e tortës.
10. Vendoseni tortën në frigorifer për të paktën 3–4 orë, ose më mirë gjatë natës. Para servirjes, spërkateni me kakao.
